Mera Application ka istemal karne ka matlab hai ki aap ye shartein maante hain. Agar kuch samajh na aaye, app me Chat se ya Grievance Officer se pooch sakte hain.
Ye service kya hai — aur kya nahi hai
SKiQ ek private service hai, sarkari app nahi. Hamara kisi sarkari vibhag se koi sambandh nahi hai.
Form hamesha sarkari website par hi bharta hai. Hum ye karte hain:
- Aapki qualification ke hisaab se vacancies dikhana
- Last date, admit card aur result ke alerts dena
- Aapke bhare hue form ka record rakhna
- Aapke chune hue cyber cafe se aapko milwana
- Aap chahein to SKiQ Expert se bharwayein — ek optional, paid service (neeche dekhein)
18 saal se kam umar
18 saal se kam umar ke liye maa-baap ya guardian ki sehmati zaroori hai. Kuch vacancies me 17 saal ke ummeedwar bhi apply karte hain, isliye aap app istemaal kar sakte hain — par apni jaankari daalne aur documents rakhne se pehle apne maa-baap ya guardian ko bata dein aur unki sehmati lein.
Jaankari ki sahi hone ki zimmedari
Vacancy ki jaankari hum official notifications se leke daalte hain, lekin galti ho sakti hai ya notification baad me badal sakta hai. Apply karne se pehle official notification zaroor padhein. Kisi bhi vacancy ki aakhri sachchai wahi hai.
Eligibility jo app dikhata hai wo ek madad hai, faisla nahi. Aakhri faisla sambandhit vibhag ka hota hai.
Aapki zimmedari
- Apni sahi jaankari bharein — galat jaankari se galat vacancies dikhengi
- Apna account kisi aur ko na dein
- Sirf apna hi mobile number verify karein
- Service ka galat istemal na karein
Cyber cafe ke saath lenden
SKiQ Partner cafes alag businesses hain. Wo apna service charge khud tay karte hain, aur wo sarkari fee se alag hota hai. Aap aur cafe ke beech ka paisa ka lenden aapke aur cafe ke beech hai — SKiQ usme koi party nahi hai.
SKiQ Expert se bharwayein (optional, paid)
Kisi vacancy par aap chahein to SKiQ ki team aapki taraf se official sarkari website par form bhar sakti hai. Iske liye aap us vacancy ki fee (aapki category ke hisaab se) + SKiQ ka service charge UPI se SKiQ ko dete hain. Kul raashi request banate waqt saaf dikhai jaati hai.
- Ye service poori tarah aapki marzi hai — khud bharna ya cafe se bharwana hamesha free/alag raasta hai.
- Aapke documents team tabhi dekh sakti hai jab aap app me khud chunkar share karein — 12 ghante ke liye, aur form bharte hi share apne aap band. Har baar dekhne ka record aapko dikhta hai.
- Form me di gayi jaankari ki sachchai aapki zimmedari hai.
- Payment se pehle aap request cancel kar sakte hain. Payment ke baad agar form nahi bhara ja saka (jaise last date nikal gayi), team wajah batakar raashi wapas karegi.
- Selection ya result ki koi guarantee nahi — faisla sambandhit vibhag ka hota hai.
Paisa
Customer ke liye ye app free hai. Vacancy alerts, eligibility, aapke form ka record — sab free hain aur free rahenge.
Sirf e-books (agar aur jab wo aayein) aur optional “SKiQ Expert se bharwayein” service paid hain, aur dono ka price pehle se saaf dikhta hai.
Service band ya badal sakti hai
Hum service ko theek karne ke liye kuch der ke liye band kar sakte hain, aur features badal sakte hain. Zaroori badlav aapko app me bata diye jayenge.
Account band karna
Aap apna account kabhi bhi delete kar sakte hain. Agar koi service ka galat istemal kare, to hum uska account band kar sakte hain.
Zimmedari ki seema
Hum poori koshish karte hain ki jaankari sahi aur samay par mile, lekin hum ye guarantee nahi de sakte ki koi vacancy, date ya alert kabhi miss nahi hoga. Kisi vacancy ke chhoot jaane, form reject hone ya kisi cafe ke kaam ke liye SKiQ zimmedar nahi hoga.
Kanoon
In shartein par India ka kanoon lagu hota hai. Koi vivad ho to Chhattisgarh ki adalaton ka kshetradhikar hoga.